PreshevaPRESS

KKZ në Bujanoc refuzon kërkesën për rivotim në dy vendvotime

Komisioni Komunal Zgjedhor në Bujanoc ka refuzuar kërkesën e Koalicionit të shqiptarëve të Luginës për rivotim në dy vendvotime në territorin e komunës së Bujanocit.


Përmes një njoftimi të Shtabit zgjedhor të kësaj liste, të publikuar në faqen e Partisë për Veprim Demokratik, Koalicioni i shqiptarëve të Luginës ka njoftuar se ankesat e parashtruara para Komisionit Komunal Zgjedhor të Bujanocit, përmes të cilave është kërkuar anulimi i zgjedhjeve dhe rivotimi në këto dy vendvotime, janë refuzuar.

“Përfaqësuesit e Koalicionit të Shqiptarëve të Luginës, për shkak të lëshimeve ligjore që janë bërë në procesin e votimit në këto dy vendvotime, gjatë ditës sot i kanë dorëzuar sot Komisionit komunal zgjedhorë në Bujanoc kërkesë për rivotim në dy vendvotime në Komunën e Bujanocit.” thuhet në njoftimin e publikuar në faqen e PVD-së në facebook.

Sipas Koalicionit të shqiptarëve të Luginës në vendvotimin nr 6 në Tërrnoc, dhe në atë numër 13 në Zarbincë, ka pasur shkelje të rënda të procesit zgjedhor, arsye për të cilën është kërkuar rivotim.

“Edhe pse shkeljet e evidentuara paraqesin shkelje të rënda të procesit zgjedhor, në bazë të Ligjit për zgjedhjen e deputetëve popullorë, Komisioni komunal zgjedhor në përbërje të zgjeruar, në të cilën dominojnë përfaqësuesit e partive serbe, me 9 vota për dhe 12 kundër, ka hedhur poshtë kërkesën e Koalicionit të shqiptarëve të Luginës.” njofton PVD në njoftim.

PVD njofton opinionin publik se pas vendimit të KKZ në Bujanoc do të paraqesë ankesën e njejtë bazuar në mundësitë ligjore për zgjedhjen e deputetëve popullorë.

“Duke ndjekur procedurat ligjore Koalicioni I shqiptarëve të Luginës, do t’I paraqesë kundërshtimin e vet Komisionit Republikan Zgjedhor, nga I cili do të kërkojë anulimin e zgjehdjeve në këto dy vendvotime. Në rast të refuzimit të kërkesës, lënda do të adresohet në Gjykatën administrative e cila paraqet instancën e fundit në këtë proces.” përfundon njoftimi i shtabit zgjedhor të Koalicionit të shqiptarëve të Luginës të publikuar në faqen e PVD-së në facebook.

Koalicioni i shqiptarëve të Luginës në zgjedhjet e 3 prillit, sipas rezultateve preliminare të shpallura nga Komisioni Republikan Zgjedhor ka siguruar rreth 9630 vota, e që nuk janë të mjaftueshme për një mandat të deputetit popullor.

ARTIKUJT E NGJASHËM

Arrestohet i dyshuari për alarm të rrejshëm të bombës në Tërnoc

PreshevaPRESS

Kamberi: Partia Daçiqit provokoi në Tërnoc, Odaloviq kërcënoi anëtarët e PDVD-së se do t’i burgosë

PreshevaPRESS

Seanca e pestë e Kuvendit të Komunës së Preshevës fillon punimet me vonesë

PreshevaPRESS