PreshevaPRESS

Nesër shënohet 20 vjetori i udhëheqjes së Bujanocit nga partitë shqiptare

Nën organizimin e Komunës së Bujanocit nesër, më 29.08.2022 shënohet 20 vjetori i qeverisjes së kësaj komune nga ana e partive shqiptare. 


Komuna e Bujanocit në vitin 2002, për herë të parë, filloi të qeveriset nga partitë shqiptare respektivisht nga Partia për Veprim Demokratik, e që në atë kohë kishte kandiduar për kryetar të Komunës së Bujanocit, Nagip Arifin, kryetarin aktual të kësaj komune.

Me këtë rast, në përvjetorin e 20-të nga fitorja e zgjedhjeve lokale nga ana e partive politike shqiptare në Bujanoc, Komuna e Bujanocit ka vendosur ta shënojë këtë datë përmes një programi kulturor në restoran Breta në Bujanoc, nën emërtimin “Kthesa historike – 20 vjet pas…”.

Gjatë këtij programi të pranishëmve do të i drejtohen me fjalim rasti udhëheqësit politik shqiptar të Bujanocit gjatë asaj kohe, si kryetari aktual i Bujanocit – Nagip Arifi dhe deputeti i vetë shqiptar në Serbi – Shaip Kamberi.

Ende nuk janë të njohura të gjitha detajet e shënimit të kësaj dite, por përveç programit në restoran Breta, ku do të shfaqet një dokumentar rreth kësaj date para 20 viteve dhe fjalimeve të përfaqësuesve politik, pritet të bëhen edhe homazhe tek varrezat e të rënëve të UÇPMB-së.

ARTIKUJT E NGJASHËM

Nagip Arifi paraqitet në gjykatë shkaku i letrave anonime: Të fala shpifësve

PreshevaPRESS

Nevzad Lutfiu për KlanKosova: Kryesisa ka vendosur, ose udhëheqim me KKSH-në ose qëndrojmë në opozitë

PreshevaPRESS

AQB organizon manifestim për shënimin e Ditës së Flamurit në Zvicër

PreshevaPRESS